أفضل أنواع من الكلاب ممكن اقتنائها و تربيتها في المنزل
3 - الجيرمن شيبرد ( German
Shepherd )
ماهي مواصفات الكلب الأصلي منها و ما هي
حدود الأسعار
أولآ - المواصفات :
شكله بيوحي بالشراسه ، و دي ميزه لانه
ممكن في الحراسه يخوف اي حد ملوش في الكلاب ، لكن بردو مش هيكون حارس مثالي
طبعا
كلب مفيش حد ميعرفوش، وبيعتبر أفضل خيار للتربية في المنزل بعد الجولدن و اللابرادور
لتميزه بحس الحراسه و صفاته الكتيره اللي عايزه مجلدات علشان نتكلم فيها .
مميزاته :
1 - سهل جدا في تدريبه و تربيته ، درجة
ذكاءه عاليه جدا جدا ، بيستوعب التدريبات و الأوامر بسرعة كبيرة يعني مناسب لأي حد
ملوش خبرة في الكلاب .
2 - كلب نشيط و مرح و محب لأصاحبه جدا جدا
.
3 - وفي لأصحابه بصورة رائعة .
4 - شرس و حارس يقظ و مثالي جدا .
5 - شكله جميل و طبعا بيميل ليه الولاد
أكتر من البنات لان شكله بيوحي بالقوة و الشراسه مع الجمال .
6 - حجمه بردو مش كبير اوي بصورة تعوق تربيته
في المنزل .
7 - كلب حنون جدا مع الأطفال و سهل تربيته
معاهم و مفيش خوف منه عليهم ابدا بالعكس انت تطمن على اطفالك مع الجيرمن تماما .
8 - سهل تربيته مع اي حيوانات اليفه أخرى
بشرط انك تعوده على كده من الصغر .
عيوبه :
1 - فروته و شعره في انواع منه بتكون كثيفه
و محتاج عناية و اهتمام دوري من تمشيط و استحمام .
2 - بردو بيحب النباح و صوته عالي اوي
.
3 - محتاج تدريب و الخروج بيه يوميا في
نزهات طويله للمحافظة على لياقته و صحته .
4 - غيور و بيحب صاحبه اوي ، و لو صاحبه
اهمله او انشغل بيه ممكن يعمل اي حاجة علشان يجذب انتباهه .
5 - غالبا هيكون له صاحب واحد بس في المنزل
بيخلص ليه جدا ، و بردو هيكون عارف الباقيين و بيخلص ليهم ، لكن بيعشق واحد فقط .
6 - لو لم تتم السيطره على شراسته ممكن يكون مؤذي و خصوصا للغرباء .
ثانياً - الأسعار :
خارج مصر بيبداء من 200 دولار لحد 1500 دولار
داخل مصر بينقسم لمستويات الورك لاين (
و ده بيور بس من غير كسحه في الكلب ) و الكلب البيور من غير كسحه بيبقي شكله مش حلو
و الشو لاين اللي هو بكسحه و بتغلي ثمن الكلب أوي
المستوى تحت المتوسط من 500 جنية لحد
900
المستوى المتوسط من 1000 جنية لحد 1200
الممتاز و دا بيبقى لونج هير و الوان غامقة
بس ورك لاين 1500 لحد 2000
ملحوظة : الورك لاين بيبقى بيور بس الجيرمن
نوعين ورك لاين و شو لاين
الشو لاين و دي اسعاره
المستوى المتوسط من 1800
المستوى فوق المتوسط : ممتاز 2500 :
3000
المستوايات العالية بتبدا من 15000 لحد
35000 من غير ما حد يتخد و دا بيبقى حاجات شامبيون ابطال عالم فى كلب شامبيون بالدنمارك
وصل ثمنه فى مزاد 2 مليون يورو !!!
تعليقات
إرسال تعليق